Samarqandda narkokurer talaba 14 yilga qamaldi. Bu haqida "Zamon" axborot dasturida xabar berildi.
Talaba Samarqand davlat iqtisodiyot va servis universitetining 5-bosqich talabasi bo`lgan O`tgan yili asli Tojikistonlik Sancho ismli yigit bilan tanishib qolgan. Undan O`zbekistonga olib o`tiladigan giyohvandlik vositalarini qabul qilib, ko`rsatilgan manzilga olib borib berishga kelishadi.
Tojikistonlik yigitga o`zbekistonlik talabani kontrakt pulini to`lashiga yordam berishini aytadi.
"Tovarni" aytilgan manzilga yotkazib berish xizmat haqqi evaziga sudlanuvchiga 1000 AQSh dollari berishni va`da qilgan. Talaba yo`l chetidagi daraxtlar tagiga yashirilgan paket ichida 5 dona o`ramdagi og`irligi 5 kg "opiy" giyohvandlik vositasini olgan vaqtida organ xodimlari omonidan qo`lga olingan.
Mazkur holat yuzasidan sud ishi JIB Jomboy tumani sudida ko`rib chiqildi.
Unga ko`ra, sudlanuvchi yigitga nisbatan JKning 59-moddasida belgilangan jazolarni qisman qo`shish yo`li bilan 14 yil muddatga ozodlikdan mahrum qilish jazosi tayinlangan.
