Kecha, 25 may kuni Armaniston bosh vaziri Nikol Pashinyan o`tirgan vertolyot shimoliy hududga jo`nab ketish davomida favqulodda qo`nishga majbur bo`ldi. Bu haqda Zamon.uz xabar berdi.
Pashinyan Gruziya bilan chegaradosh Tashir shahriga uchayotgan bo`lgan. Yomon ob-havo sharoiti sabab vertolyot tezkor qo`ndirilgan.
Hodisa Armaniston shimolidagi tog`li Lori viloyatida yuz bergan. Nikol Pashinyanning vertolyoti Lori viloyatining markazi, mamlakatdagi uchinchi eng yirik shahar bo`lgan Vanadzor yaqinida qo`ndirilgan.
Shundan so`ng Pashinyan o`zining Facebook sahifasida post qoldirib, sayohatni endi mashinada davom ettirishini yozgan.
