Ijtimoiy tarmoqlarda Jizzaxda eskirgan simyog‘ochlar qulashi oqibatida chorva mollarini tok urishi sababli ularning halok bo‘lgani aks etgan rasm tarqaldi. Holatga "Hududiy elektr tarmoqlari" AJ Jizzax hududiy filiali rasmiy munosabat bildirdi.
Holat ommalashib, unga ayrim tarmoq faollari o‘zlarining shaxsiy fikrini ham bildirdi.
Ko‘rib qo‘rqib ketdim, chunki aholi yashaydigan qishloqlarda bunaqa eski simyog‘ochlar juda ham ko‘p. Eng yomoni, u yerlarida chorva emas odamlar, bolalar yashashadi, — deya yozadi “Tasnif” agentligi rahbari Laziz Hamidov.
Shuningdek, u postini quyidagicha yakunlagan.
“Eskirgan infratuzilmani yangisiga almashtirish uchun elekt energiyasi narxi oshirilgandi, odamlar shunga ko‘ndi, ular to‘layapti. Shunga yarasha ularga tezroq yangi transformatorlar, yangi simyog‘ochlar o‘rnatib berish kerak deb o‘ylayman”.
Rasmiy izohda hududdagi ssuruq yomg‘ir va kuchli shamol natijasida elekt tarmog‘ida nosozlik yuzaga kelgan. Mazkur avariyaviy holat tuman elekt ta’minoti bo‘limi xodimlari tomonidan tezkorlik bilan bartaraf etilib, hozirda hududda elekt energiyasi uzatilishi to‘liq tiklangani.
Fuqaro tomonidan bildirilgan 3 bosh chorva molining nobud bo‘lishi bilan bog‘liq moddiy zararni qoplash masalasi bo‘yicha shuni ma’lum qilamizki, amaldagi qonunchilikka muvofiq, ko‘rilgan haqiqiy zararni baholash va uni undirish masalalari vakolatli sud organlari tomonidan hal etiladi.
Shu munosabat bilan, murojaat egasiga barcha qonuniy tartib-tamoyillar hamda nizoni sud tartibida ko‘rib chiqish huquqlari yuzasidan tegishli huquqiy tushuntirishlar berildi.
