Ташкент +4° Thu 00:59
Долзарб мавзулар Фото

Башорат 2019: Ҳут

Теглар:
Добавлено: 15.01.2019, 16:19

Ўзингизга бўлган ишончингиз ортади (20 февраль – 20 март)

Умумий башорат

2019 йилда “Ҳут”ларни молия ва иш борасида мисли кўрилмаган парвозлар кутмоқда. Касбий маҳоратлари сезиларли даражада ошиб, тез орада атрофдагилар эътирофига тушадилар. Шу сабабли, “Тўнғиз йили” муваффақиятларга эришадиган ва жамиятдаги обрўси ошадиган йил бўлади.

Ёзда ижодкор “Ҳут”лар ўзларини тадбиркорликда синаб кўрадилар ва жуда яхши натижага эришади. Агар тижорат ёки лойиҳани “юргазиш” учун пулни аямасангиз, тез орада даромадингиз ҳам ортади.

Ҳали оила қурмаганлар “Тўнғиз йили”да ўз муҳаб­батларини учратадилар. Ушбу инсон ёқимли ва очиқкўнгил бўлиб чиқади. Бундай инсон билан сиз шахсий ҳаётда, албатта, бахтга эришасиз. Агар тўй тараддудига тушган бўлсангиз, яхшиси уни август ойининг охирларига белгиланг.

“Ҳут”лар ортда қолган “Ит йили”да ўзларини жуда қатъиятли ва қулай ҳис қилишган эди. Тўғри, баъзи ҳолларда ўзларига ишонмадилар, доимо ниманидир кўнгилдагидай бажармадим, деган хаёллар оғушида юрдилар.Бу сизнинг табиатингизга хос нарса. “Тўнғиз йили” кириб келиши билан вазият бутунлай ўзгаради. Чунки “Тўнғиз йили” бурж эгаларини ўз қарамоғига олишни ваъда бермоқда. Натижада сизга қийин кўринган ҳар қандай ишнинг уддасидан чиқиб, ўзингизга бўлган ишончингиз ортади.

Йил аввалида зудлик билан бажарилиши керак бўлган ишга киришинг. Шартномалар имзолаш ва келгусида амалга оширилиши керак бўлган ишлар режасини тузиш керак. Ишлар ўз мевасини бериб, даромад келтиради.

Юлдузлар 2019 йилда руҳий ҳолатингизни яхшилашни маслаҳат беришмоқда. Агар қалбингизда тинчлик ва хотиржамлик ҳукм сурса, ҳаётингиз ҳам бир маромда ўтади. Яқинларингизга янада меҳрибонроқ ва эътиборлироқ, атрофдагиларга эса холисона муносабатда бўлинг.Шунинг учун эҳтиёткорлик зарар қилмайди. Катта маблағ ортидан қувишнинг ҳожати йўқ. Ишлаб топган даромадингиздан мамнун бўлиб, меҳнат қилишда давом этинг. Зеро тинимсиз меҳнат ортидан, ўзингиз истаган нарсани қўлга киритишингиз мумкин.

Молиявий аҳволингиз бир маромда бўлади. Бироқ баъзи “Ҳут”лар куз ойида жуда кўп харажат қилишларига тўғри келади.

Декабрь ойида фикр-хаёлингизни бир жойга жамлаб, мақсад сари янада қучлироқ ҳаракат қилинг. Йўлингизда ҳасадчилар ва рақиблар кўп бўлади. Юлдузлар бундай вазиятларда оғир-босиқлик билан иш кўришни маслаҳат беришмоқда.

ШАХСИЙ ҲАЁТ

“Ҳут”лар табиатан самимий ва кўнгилчандирлар. Юлдузлар 2019 йилда қандай бўлсангиз ана шундай қолишни маслаҳат беришмоқда. Ўзингизни олиб қочмай, кўнглингизга ёққан инсондан ҳиссиётларингизни яширманг. Агар турмуш йўлларида сизга йўлдош бўла оладиган инсонни учратсангиз, август ойига келиб тўйни ҳам режалаштирсангиз бўлади.

Ҳурматли оилавий “Ҳут”лар, хонадонингиздан қувончли кулгулар аримасин десангиз, қариндошлар, жумладан, қайнона ва қайнотангиз билан муносабатларни яхшилашингиз лозим. Юлдузлар 2019 йилда оилавий байрамларни кўпроқ ташкиллаштиришни тавсия қилишмоқда. Оила аъзоларингизга кутилмаган совғалар қилишни ҳам ёдингиздан чиқарманг. Ана шунда барча кўнгилсизликлар ортда қолиб, уй-рўзғор ишларига хотиржам киришсангиз ҳам бўлади. Хонадонингиз тозалигини сақлаш ўз йўлига, кўпроқ вақтингизни ширин таомлар тайёрлаб, уй эгаларини хурсанд қилишга сарфлаганингиз маъқул. Фарзандлар билан муносабатда келишиб, устомонлик билан иш кўриш фойдадан холи эмас. Юлдузлар агар фарзанд тарбиясида баъзи қийинчиликларга дуч келсангиз, шу мавзуга оид адабиётларни ўқишни ёки психологга мурожаат қилишни маслаҳат беришмоқда. Ёши катта яқинларингиздан маслаҳат олсангиз ҳам тўғри йўл тутган бўласиз.

САЛОМАТЛИК

“Тўнғиз йили”да вирусли касалликлар ва шамоллашдан эҳтиёт бўлинг. Агар ўз вақтида даволанмасангиз, жиддий асоратларга олиб келади. Айниқса, аёллар ушбу тавсиямизга қулоқ тутишлари даркор. Юлдузлар ҳаракатда бўлишни тавсия этишмоқда. Сусткашликни четга суриб, атрофдагилар билан мулоқот қилинг ва дўстларингиз билан учрашувлар ташкил этинг. 2019 йилда жиддий касалликлар сизни безовта қилмайди. Иммун тизимингиз бузилишларсиз ишлайди, шунинг учун шамоллаш ва грипп сизга яқин кела олмайди. Аммо касал бўлишга улгурганлар билан алоқага киришишдан эҳтиёт бўлинг. “Тўнғиз йили” “Ҳут”ларга кофе ва аччиқ чой ичишдан воз кечишни маслаҳат бермоқда.

Яхшиси компот қайнатинг, кисель тайёрланг, мева ва сабзавотли шарбатлар ичинг. Улар гемоглобинингизни кўтаришга ҳам, қувватга киришингизга ҳам ёрдам беради.

“Ҳут”ларни “Тўнғиз йили”да ортиқча вазн ҳам безовта қилиши мумкин. Шунинг учун эрталаблари очиқ ҳавода югуринг, спорт билан шуғулланинг. Буларнинг барчаси тана вазнингиз ортиб кетишидан ҳимоялайди, сизни чиниқтиради.

КАРЬЕРА

“Ҳут”лар табиатан икки хил бўладилар. Бирлари ўта меҳнатсевар бўлсалар, бошқалари раҳбарлик қилишни яхши кўрадилар. “Тўнғиз йили”да ҳар иккала “Ҳут”лар ҳам муваффақиятга эришишлари мумкин. Бунинг учун бир жойда тўхтаб қолманг. Қулай ва фойдали келишувларни амалга оширинг.

Тадбиркор учун 2019 йилда ўз бизнесини йўлга қўйиш имкони бор. Ушбу бурж вакиллари ҳар бир жабҳада иқтидорлидирлар, жумладан, тадбиркорликда ҳам. Шу сабабли, савдо-сотиқ ва ишлаб чиқариш йўналиши уларга, албатта, омад олиб келади. Агар даромадингиз кўпайиб кетса, хайрли ишларга сарфлашга ҳаракат қилинг.Жамиятдан беркинмай, кўпчилик ташриф буюрадиган тадбирлар иштирокчисига айланганингиз яхши.

Ижодкорларни ўзгача ғоялар қамраб олади. Санъат асарларингизни бошқалар билан бўлишишни унутманг. Ишонинг, улар сизни қўлигул уста сифатида тан оладилар.

АЁЛ "ҲУТ"ЛАР

2019 йилда юлдузлар “Ҳут”ларга оилавий хотиржамликни ваъда беришмоқда. “Тўнғиз йили”да ўз иқти­дорингизни яширмай, атрофдагиларга ҳам намойиш қилинг. Йилнинг биринчи ярмида шу туфайли катта ютуқларни қўлга киритасиз. Оилавий ҳаётингизда тушунмовчиликлар юзага келиш эҳтимоли бор. Улар асосан оила аъзоларингиз ва қариндошлар билан бўлиб ўтади. Аммо сиз уларни бартараф этишга эришасиз.

Август ойида иш фаолиятингизни назорат қилинг. Акс ҳолда, ҳамкасбларингиз билан ҳам можаролар келиб чиқиши мумкин.

ЭРКАК "ҲУТ"ЛАР

2019 йилда эркак “Ҳут”лар учун жуда омадли ўтади. Бўйдоқлар жуфт танлаш борасида узоқ ўйламанг. Тўйга тайёргарлик қилиш вақти келди. 2019 йилда қарор қабул қилишга шошилманг, бошқаларни танқид остига олманг ва устидан кулманг. Ўз устингизда ишланг ва дўстларингизга ваъда бермасликка ҳаракат қилинг. Эркак “Ҳут”ларни тўғри йўлдан адаштириш жуда осон. Улар бировнинг фикри билан ўртоқлашиб, қарорларини тезда ўзгартирадилар, ҳиссиётларга ҳам эрк берадилар. Шунинг учун дўстлар, ҳамкорларни яқин қариндошлар орасидан изланг. Нима бўлганда ҳам 2019 йилда юлдузлар эркак бурж вакилларига молиявий барқарорлик, обрў-эътиборнинг ўсиши ва хусусий тадбиркорликни башорат қилишмоқда. Юқори лавозимга тайинланишингиз ҳам мумкин. Энг асосийси дангасаликдан қочинг ва ҳамма нарсага умидвор боқинг!

Google+
WhatsApp
VK
Telegram

Комментарии