Osiyo Futbol Konfederasiyasi rasmiy sayti Osiyo chempionlar ligasi chorak final bahslari oldidan ushbu bosqichda ishtirok etadigan jamoalarning eng muhim futbolshchilari haqida ma`lumotlar berib bormoqda.
Avvalroq Toshkentning “Lokomotiv” futbol klubi a`zosi, O`zbekiston milliy terma jamoasi yarim himoyachisi Server Jeparov OFK matbuot xizmati nigohida bo`lgani haqida xabar berilgandi.
Qatarning “Al-Jaish” klubi safida harakat qilayotgan, O`zbekiston milliy terma jamoasi hujumkor yarim himoyachisi Sardor Rashidov ham o`z klubining muhim futbolchisi sifatida OFK prevyusida qayd etildi.
OChLdagi ishtiroki
Sardor Rashidov – “Al Jaish”
OChLda o`tkazgan o`yinlari soni – 26
Kiritgan gollari soni – 4
"Bunyodkor" safidan "Qatar"ga ko`chib o`tgan futbolchi bugun "Al Jaish" safida OChL o`yinlaridagi o`zining eng yaxshi mavsumini o`tkazmoqda. Endigina 25 yoshni qarshi olgan futbolchi OChLda o`zining oltinchi mavsumini o`tkazmoqda va aytish kerakki bungacha futbolchi 1/8 finaldan keyingi bosqichga o`ta olmagan edi. Hozir esa, futbolchi nafaqat o`zining eng yaxshi mavsumini o`tkazmoqda, balki Osiyoning mavsumdagi eng kuchli jamoalaridan biri sifatida e`tirof etilishiga o`z hissasini qo`shmoqda. Qolaversa, o`zbekistonlik yarim himoyachi o`z o`yini bilan bunga qattiq kirishganini ko`rsatmoqda.
Guruh bosqichida "Nasaf" darvozasiga kiritgan yagona goli "Al Jaish"ni 1/8 bosqichiga olib chiqqan edi. Mazkur bosqichda "Al Jaish" Qatarning boshqa klubi "Lahviya"ni ikki o`yin natijasiga ko`ra 6:4 hisobida mag`lub etdi va Rashidov mazkur o`yinlarda ham jamoasining eng asosiy o`yinchilaridan biri sifatida e`tirof etildi.
Terma jamoaning asosiy yulduzlaridan biri sifatida Rashidov sentyabr oyida JCh-2018 saralash bahslarida ishtirok etishga tayyorgarlik ko`rmoqda. "Al Jaish"ning asosiy yulduzlaridan biri yaqin bir necha oy ichida katta uchrashuvlarda maydonga tushadi va o`zining qanday saviyadagi futbolchi ekanini isbotlashga intiladi.
Jamoaning eng muhim futbolchilaridan biri
Sardor Rashidov o`zining to`purarlik va o`yinni o`qiy olish qobiliyati bilan o`tgan mavsumda jamoasning eng ko`p tilga olingan futbolchilaridan biriga aylandi. Jami 23 o`yinda 9ta gol urgan futbolchi o`tgan mavsum yakunlariga ko`ra Qatar Yulduzlar Ligasida jamoasin ing "Al Rayan"dan so`ng ikkinchi o`rinni egallashida katta rol o`ynadi.
Iste`dodli futbolchi yuqori tempda harakat qila olishi, tezlik va boshqa hislatlari bilan boshqalardan ajralib turadi. Shuningdek, chap oyoqda ajoyib o`yin namoyish eta olishi va ajoyib texnikasini e`tirof etish lozim.
23.05.2024, 18:44
Prezident boshchiligida o`tkazilayotgan yig`ilishda 2025 yilda poytaxtda yangi ishga tushiriladigan Olimpiya shaharchasida O`zbekiston davlat sport akademiyasi tashkil qilinishi ko`zda tutilganligi ma`lum qilindi. Ushbu muassasa huzuriga Jismoniy...10.05.2024, 15:14
Yig`ilishda kun tartibidagi ikkinchi masala – barcha joylarda “Sayxunobod” tajribasini jadallashtirish muhokama qilindi. Bu haqda Prezident matbuot xizmati xabar berdi.Bu borada boshlangan ishlar natijasida aprel...06.05.2024, 13:48
O`zbekistonda oxirgi 3 oy ichida qancha avtobus ishlab chiqarilgani ochiqlandi. Bu haqda Statistika agentligi xabar berdi. O`zbekistonda oxirgi 3 oy ichida qancha avtobus ishlab chiqarilgani ochiqlandi. Mart...13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...