Joriy yilning 27 mart kuni soat 15:40 atrofida Surxondaryo viloyati, Sariosiyo tumanida 1983 yilda tug`ilgan, haydovchilik guvohnomasiga ega bo`lmagan fuqaro (ayol kishi) Nexia-3 avtomashinasida "Sangardak-Denov" yo`nalishida harakatlanayotib, tezlikni me`yoridan oshirishi oqibatida tik nishablikda boshqaruvni yo`qotgan va yo`ldan chiqib ketib beton to`siqqa urilgan. Bu haqda Surxondaryo viloyati IIB YHXB Matbuot xizmati xabar berdi. Ushbu YTH natijasida avtomobilda yong`in yuzaga kelgan.
Mazkur YTH hamda yong`in natijasida avtomobil haydovchisi va uning ikki nafar voyaga etmagan farzandlari voqea joyida vafot etgan.
Shuningdek, avtomobilda bo`lgan haydovchining yana bir nafar farzandi hamda yaqin qarindoshi (avtomobil egasi) og`ir tan jarohati bilan shifoxonaga yotqizilgan.
