Ijtimoiy tarmoqlarda Samarqand viloyatining Urgut tumani kuchli yomg`ir sabab ko`chalarda suv daryo bo`lib oqayotgani aks etgan video tarqaldi.
Viloyat FVB munosabat bildirdi.
Viloyatimizning ayrim hududlarida kuchli yomg`ir yog`ishi natijasida yomg`ir suvlari to`planib qolish holatlari kuzatilmoqda.
Jumladan: Urgut tumani hududlarida qisqa vaqt ichida ko`p miqdordagi yomg`ir yog`ishi va yomg`ir suvlari yig`ilib, suv o`tkazish tizimiga sig`masdan toshib chiqishi holati kuzatildi.
Ushbu hodisalardan fuqarolarning jabrlanish va binolarga talafot etish holatlari bo`yicha ma`lumotlar kelib tushmagan.
Hozirda FVB, IIB, hokimlik va boshqa hamkor tashkilotlar tomonidan hodisa oqibatlari bartaraf etilmoqda, deyiladi munosabatda.