Qozog`iston Tashqi ishlar vazirligi Qoraqalpog`istondagi vaziyat bo`yicha bayonot berdi.
Bayonotga ko`ra, O`zbekiston — Qozog`istonning qardosh qo`shnisi, ishonchli ittifoqchisi va strategik sherigi.
"Shuning uchun do`st qo`shni mamlakatdagi voqealarni Qozog`istonda xavotir bilan qarshi olishdi.
O`zbekiston oliy rahbariyatining Qoraqalpog`iston Respublikasidagi vaziyatni barqarorlashtirish bo`yicha qarorlarini olqishlaymiz va qo`llab-quvvatlaymiz.
Ishonchimiz komilki, birodar O`zbekistonda muhim siyosiy tadbir — Konstitusiyaga tuzatishlar kiritish bo`yicha referendum arafasida tinchlik va barqarorlik qaror topadi",-deyiladi unda.
Dilbar Abdunabieva.
