Olmaliq kon-metallurgiya kombinati platina ishlab chiqarish texnologiyasi uchun mualliflik huquqini oldi deya yozmoqda “Zamon” sayti.
Endilikda kombinat tomonidan oltinga nisbatan er yuzida uch barobar kamroq uchraydigan platina metalli ishlab chiqarish ham yo`lga qo`yishi rejalashtirilgan.
“Dunyoda 5 ta yirik platina ishlab chiqaruvchi davlatlar mavjud bo`lsa, O`zbekistonda ham ushbu nodir metallni qo`lga kiritish texnologiyasi ishlab chiqildi. OKMK olimlari va mutaxassislari tomonidan olib borilgan uzoq yillik ilmiy izlanishlar o`z samarasini berdi”, deyiladi xabarda.
