Ayrim telegram kanallarda abiturient test sinovi vaqtida bemalol telefonda gaplashayotgani bilan bog`liq surat tarqalmoqda.
Davlat test markazi holatni izohlab, holat bilan bog`liq videoni ham ilova qildi.
Unda imtihon qatnashchisi yuzini ro`molcha bilan artayotgani ko`rinadi.
Qayd etilishicha, tarqalgan surat 13 avgust kuni Andijon viloyatida o`tkazilgan test sinovlariga taalluqli bo`lib, rasm abiturient ro`molchada yuzini artayotgan vaqti jonli efirdan olingan va butunlay boshqacha talqin qilingan.
Shu o`rinda Davlat test markazi blogerlarni qora PR bilan obunachilarni ko`paytirish o`rniga test sinovlarini xolis yoritishga chaqirmoqda.