Ichki ishlar vazirligi tezkor vakili o`ldirilib, jasadi Chirchiq daryosiga tashlab yuborildi

Jinoyat 03.10.2022, 11:12
Ichki ishlar vazirligi tezkor vakili o`ldirilib, jasadi Chirchiq daryosiga tashlab yuborildi

2022 yil 29 sentyabr kuni Ichki ishlar vazirligida boshqarma tezkor vakili lavozimida ishlagan xodim o`zaro kelishmovchilik natijasida ikki nafar shaxs tomonidan qasddan o`ldirilib, jasadi Chirchiq daryosiga tashlab yuborildi. Bu haqda Bosh prokuratura matbuot xizmati xabar qildi. 

Ma`lum qilinishicha, mazkur holat yuzasidan Jinoyat kodeksining 97-moddasi bilan jinoyat ishi qo`zg`atilgan.  

O`tkazilgan qidiruv harakatlari davomida jabrlanuvchining murdasi daryodan topilgan.

Gumonlanuvchilar prosessual tartibda ushlangan.  

Hozirda tergov harakatlari olib borilmoqda.

Tergovga aralashish va to`sqinlik qilish holatlarining oldini olish maqsadida boshqa tafsilotlar oshkor qilinmaydi.

Sharhlar