Yaponiyalik olimlar xurmo organizmga koronavirus bilan kurashishda yordam berishini aniqladi

Dunyo 26.11.2022, 20:40
Yaponiyalik olimlar xurmo organizmga koronavirus bilan kurashishda yordam berishini aniqladi

Yaponiyaning Kashihara shahridagi Nara tibbiyot instituti olimlari xurmo organizmga koronavirus infeksiyasiga qarshi kurashishda yordam berishini aniqladi.

Qayd etilishicha, tajriba sichqonlarda o`tkazilib, ularning rasioniga xurmo tarkibidagi asosiy modda bo`lgan taninni kiritishgan. Shundan so`ng ularga virus infeksiyasi yuqtirilgan. To`liq tekshiruvdan keyin, tanin olmagan tajriba sichqonlari guruhi virus bilan kasallanishning yuqori darajasini namoyon qilgan va ularda o`pka pnevmoniyasi rivojlanib ketgan. Tanin bilan davolangan kemiruvchilar guruhida pnevmoniya holatlari qayd etilmagan va umuman olganda, ikkinchi guruh kemiruvchilari o`zlarini ancha yaxshi his qilishgan.

Shunday qilib, tadqiqotchilar xurmo tarkibidagi tanin virusning ko`payishiga to`sqinlik qiladi va xurmo iste`mol qilish Covid-19 ning og`ir shakllari rivojlanish xavfini kamaytiradi degan xulosaga kelishdi. Shuningdek, tanindan tashqari, xurmoda A, C, B1, B2, B3, shuningdek fosfor, kalsiy, kaliy, temir va natriy kabi moddalar ham mavjud.

Sharhlar