Serbiya polisiyasi Vengriya bilan chegarada tartibsizlik uyushtirgan mingdan ortiq migrantni qo`lga oldi. Ular orasida qurollangan shaxslar borligi aniqlangan. Bu haqda "Zamon.uz" yozmoqda.
Hodisa 25 noyabr, yarim tunda sodir bo`lgan. Serbiyaning Xorgosh qishlog`ida qochqinlarning noqonuniy lageri aniqlangan.
“Qurol qo`llash bilan bog`liq hodisaga kelsak, polisiya darhol munosabat bildirdi va zarur choralar ko`rildi. Qo`lga olinganlarning aksariyati Marokash va Afg`oniston fuqarolari”, – degan Serbiya polisiyasi rahbari yordamchisi Dragan Vasilevich.
Uning so`zlariga ko`ra, migrantlarning yonidan avtomatik qurollar va pistoletlar topilgan.
Migrantlar Serbiyadan Evroittifoq davlatlariga kirish uchun tranzit sifatida foydalanmoqda.
