Prezident Shavkat Mirziyoevning Qirg`izistonga tashrifi qoldirildi. Bu haqda Qirg`iziston TIV matbuot xizmatiga tayanib, Sputnik xabar berdi.
"Qo`shni mamlakat prezidenti yil oxiriga qadar tashrif buyuradi", deyiladi xabarda.
Shavkat Mirziyoev 9 dekabr kuni Qirg`izistonga ishchi tashrifni amalga oshirishi ma`lum bo`lgandi. Tashrif davomida O`zbekiston rahbari Qirg`iziston hukumati bilan bir qator hujjatlarni imzolashi kutilgan edi.
Ma`lumotlarga ko`ra, O`zbekiston bosh vaziri Abdulla Aripov 9 dekabr kuni Evroosiyo iqtisodiy kengashining yil yakunlari bo`yicha yig`ilishida ishtirok etadi.
