Президент Шавкат Мирзиёевнинг Қирғизистонга ташрифи қолдирилди. Бу ҳақда Қирғизистон ТИВ матбуот хизматига таяниб, Sputnik хабар берди.
"Қўшни мамлакат президенти йил охирига қадар ташриф буюради", дейилади хабарда.
Шавкат Мирзиёев 9 декабрь куни Қирғизистонга ишчи ташрифни амалга ошириши маълум бўлганди. Ташриф давомида Ўзбекистон раҳбари Қирғизистон ҳукумати билан бир қатор ҳужжатларни имзолаши кутилган эди.
Маълумотларга кўра, Ўзбекистон бош вазири Абдулла Арипов 9 декабрь куни Евроосиё иқтисодий кенгашининг йил якунлари бўйича йиғилишида иштирок этади.
