Bishkekda O`zbekiston Prezidenti Shavkat Mirziyoevning davlat tashrifi doirasida Biznes-forum o`tkazilmoqda.
Vazirlar Mahkamasi Raisi – Qirg`iziston Prezidenti Administrasiyasi rahbari Oqilbek Japarov yig`ilganlarga tabrik so`zi bilan murojaat qildi.
U mamlakatlar o`rtasidagi strategik sheriklik munosabatlari yuqori darajada ekanini ta`kidladi.
"Mamlakatlarimiz keng qamrovli savdo-iqtisodiy hamkorlikka erishish uchun boy salohiyatga ega ekanligini ta`kidlamoqchiman. Umid qilamanki, forum samarali bo`lib, mamlakatlarimiz o`rtasidagi to`laqonli hamkorlikni yanada mustahkamlashga xizmat qiladi.
Ishonchim komilki, erishilgan kelishuvlarning amalga oshirilishi yaqin kelajakda ikki davlatning savdo-iqtisodiy ko`rsatkichlariga ta`sir qiladi", — dedi Oqilbek Japarov.
Qayd etilishicha, 2022 yilning 11 oyi yakunlariga ko`ra, ikki davlat o`rtasidagi tovar ayirboshlash hajmi 543,2 million dollarni tashkil etdi. 2021 yilning shu davriga nisbatan 21 foizga o`sgan.
"Albatta, bu strategik hamkorlarning o`zaro savdosi uchun chegaraviy ko`rsatkichlar emas. Umid qilamanki, yaqin kelajakda tovar ayirboshlash hajmi milliardlab dollarga etadi", - dedi Oqilbek Japarov.
Forum doirasida 1,6 mlrd. dollarlik 10 dan ortiq hujjat imzolanishi kutilmoqda.
