Gruziyaning Tbilisi shahrida o`tayotgan dzyudo bo`yicha “Katta dubulg`a” turnirida -52 kg vazn toifasida barcha raqiblarini mag`lubiyatga uchratgan hamyurtimiz Diyora Keldiyorova musobaqa g`olibiga aylandi.
Barcha bellashuvlarni muddatidan avval yakunlab kelayotgan dzyudochimiz finalda ham Tokio-2020 Olimpiadasi chempioni Distriya Krasnichini atigi 40 soniya ichida taslim etdi.
Bu Keldiyorova uchun “Katta dubulg`a” turnirlaridagi to`rtinchi oltin medal hisoblanadi. Ushbu g`alaba orqali u jahon reytingi uchun 1000, Parij-2024 yo`lida 500 ochkoni o`z hisobiga qo`shib qo`ymoqda.
