2022 yil 25 fevral kuni Samarqand viloyati, Ishtixon tumani «Chaqar» mahallasida yashovchi, 2005 yilda tug`ilgan B.Turg`unov yashash uyidan noma`lum tomonga chiqib ketib bedarak yo`qolgandi.
Shu bo`yicha uning yaqin qarindoshlari ariza bilan murojaat qilishgan.
Holat yuzasidan IIO xodimlari tomonidan qidiruv tadbirlari olib borilgan.
Samarqand viloyati IIB xabariga ko`ra, 2023 yil 27 mart kuni Samarqand shahri bo`yicha IIO FMB 2-son IIB profilaktika katta inspektori mayor A.Bobonazarov o`zining xizmat hududi bo`lgan Samarqand shahar Yangiqo`rgon mahallasida profilaktik tadbirlarni o`tkazayotgan vaqtida o`smir mahalla hududida yurganligi aniqlangan.
So`ngra u Ishtixon tumani IIB xodimlariga topshirildi.