Samarqand viloyatida “S.B.” MChJ rahbari T.R. ushbu MChJga tegishli ko`p qavatli binoda gazga noqonuniy ulanib, 2 milliard 840 million so`mlik zarar etkazgani aniqlandi. Bu haqda Samarqand viloyati IIB xabar berdi.
Ushbu holat Samarqand IIB Tezkor-qidiruv xizmati Jinoyat-qidiruv boshqarmasi Korrupsiya va iqtisodiy jinoyatlarga qarshi kurashish bo`limi xodimlari tomonidan “Hududgazta`minot” viloyati filiali xodimlarini jalb qilgan holda o`tkazilgan tezkor-qidiruv tadbirda oshkor bo`lgan.
Xabarga ko`ra, holat yuzasidan tergovga qadar tekshiruv harakatlari olib borilmoqda.
