Viloyat bojxonachilari tomonidan Davlat xavfsizlik xizmati chegara qo`shinlari harbiy xizmatchilari bilan hamkorlikda aniqlangan navbatdagi bojxona qonunbuzilishi holatida giyohvandlik vositalarini yurtimizga g`ayrioddiy usulda olib kirishga bo`lgan urinish fosh qilindi. Bu haqda Davlat bojxona qo`mitasi xabar berdi.
Toshkent viloyati bojxona boshqarmasining “Oybek” chegara bojxona postiga kirib kelgan engil avtotransport vositasi bojxona ko`rigidan o`tkazilganida, avtoulovning gaz balloni ichiga turli shakldagi 49 dona va benzin baki ichiga 31 dona polietilen o`ramlar mohirlik bilan yashirilganligi aniqlandi.
O`ramlar ochib ko`rilganda ularning ichidagi modda Markaziy bojxona laboratoriyasida o`tkazilgan ekpertiza xulosasiga binoan 52 kg. 877 gr. og`irlikdagi “gashish” hamda 2 kg.dan ziyod “geroin” giyoxvanlik vositasi, 1 dona elim idish ichida modda esa 950 gr. sintetik giyoxvandlik vositasi borligi aniqlandi.
Hozirda holat yuzasidan bojxona organlari tomonidan tergovga qadar tekshiruv harakatlari olib borilmoqda.
