Xanchjou-2022 XIX yozgi Osiyo o`yinlarida o`zbeksitonlik sportchilar yana ikkita oltin medalni qo`lga kiritishdi.
Veloshossening shaxsiy poyga dasturida ishtirok etgan O`zbekiston terma jamoasi a`zosi Olga Zabelinskaya oltin medalni qo`lga kiritdi. 18.3 km masofaga kechgan poygada hamyurtimiz 24:36.99 daqiqa natija ko`rsatdi.
O`zbekiston delegasiyasida bugungi kun hisobidan ikkinchi oltin medal. 1000 metrga kanoechi yigitlar o`rtasida kechgan poygada Shohmurod Xolmurodov hamda Nurislom To`xtasin o`g`li juftligi marra chizig`ini birinchi bo`lib kesib o`tdi va oltin medalga sazovor bo`lishdi.
