Ханчжоу-2022 XIX ёзги Осиё ўйинларида ўзбекситонлик спортчилар яна иккита олтин медални қўлга киритишди.
Велошоссенинг шахсий пойга дастурида иштирок этган Ўзбекистон терма жамоаси аъзоси Олга Забелинская олтин медални қўлга киритди. 18.3 км масофага кечган пойгада ҳамюртимиз 24:36.99 дақиқа натижа кўрсатди.
Ўзбекистон делегациясида бугунги кун ҳисобидан иккинчи олтин медаль. 1000 метрга каноэчи йигитлар ўртасида кечган пойгада Шоҳмурод Холмуродов ҳамда Нурислом Тўхтасин ўғли жуфтлиги марра чизиғини биринчи бўлиб кесиб ўтди ва олтин медалга сазовор бўлишди.
