Ijtimoiy tarmoq sahifalarida “Toshkent shahri Filologiya maktabida 8-sinf o`quvchisi ochiq qolgan elektr tokiga tegib ketish natijasida vafot etgani aytilmoqda” mazmunida video xabarlar tarqaldi.
Holat yuzasidan Toshkent shahar maktabgacha va maktab ta`limi boshqarmasi quyidagilarni ma`lum qildi.
"27 noyabr kuni taxminan soat 18.15da Mirzo Ulug`bek tumanidagi 99-sonli umumta`lim maktabi 8-“I” sinf o`quvchisi A.A. maktab hovlisidagi sport maydonidan chiqib ketayotganida tobi qochgan va hushidan ketgan. Shu vaqtni o`zida maktab qorovuli tomonidan tez tibbiy yordamga qo`ng`iroq qilingan. Tez yordam mashinasida Respublika ixtisoslashtirilgan kardiologiya markaziga olib ketilgan. Respublika ixtisoslashtirilgan kardiologiya markazi shifokorlari tomonidan yordam ko`rsatilganligiga qaramay A.A. o`ziga kelmagan va vafot etgan" deyiladi xabarda.
Ayni damda huquq-tartibot idoralari tomonidan surishtiruv ishlari olib borilmoqda.
28.11.2023 11:33
Toshkentda 8-sinf o`quvchisi vafot etdi. Uning o`limiga tok urgani sabab bo`lgani rad etilmoqda
!['Toshkentda 8-sinf o`quvchisi vafot etdi. Uning o`limiga tok urgani sabab bo`lgani rad etilmoqda'ning rasmi](https://api.darakchi.uz/media/news_preview/2024/07/30/L_height-xl_Yc8fjGY_LNZm61Y_c42h3a4.medium.webp)