Finlyandiyaning yangi prezidenti Ukraina tomonda

Evropa Ittifoqi davlatlari Kievga iqtisodiy va harbiy yordam berishda davom etishi kerak, aks holda Ukrainaning mavjudligi xavf ostida qoladi. Bu haqda Finlyandiyaning yangi saylangan prezidenti Aleksandr Stubb ma`lum qildi.

"Agar G`arb Ukrainani qo`llab-quvvatlamasa, u mavjud bo`lmasdi", dedi siyosatchi Myunxen Xavfsizlik konferensiyasida.

Uning so`zlariga ko`ra, Rossiya prezidenti Vladimir Putin “faqat kuchni tushunadi”. "Agar siz ozgina zaiflik belgisini ko`rsatsangiz, u hujum qiladi", dedi Stubb.

Uning qo`shimcha qilishicha, Putin “Ukrainadagi urush va Aleksey Navalniyning o`limi” uchun javobgarlikka tortilishi kerak.

11 fevral kuni bo`lib o`tgan Finlyandiyada prezidentlik saylovlarining ikkinchi bosqichida Aleksandr Stubb g`alaba qozondi. U 1 martdan boshlab davlat rahbari lavozimiga kirishadi.