Европа Иттифоқи давлатлари Киевга иқтисодий ва ҳарбий ёрдам беришда давом этиши керак, акс ҳолда Украинанинг мавжудлиги хавф остида қолади. Бу ҳақда Финляндиянинг янги сайланган президенти Александр Стубб маълум қилди.
"Агар Ғарб Украинани қўллаб-қувватламаса, у мавжуд бўлмасди", деди сиёсатчи Мюнхен Хавфсизлик конференциясида.
Унинг сўзларига кўра, Россия президенти Владимир Путин “фақат кучни тушунади”. "Агар сиз озгина заифлик белгисини кўрсатсангиз, у ҳужум қилади", деди Стубб.
Унинг қўшимча қилишича, Путин “Украинадаги уруш ва Алексей Навалнийнинг ўлими” учун жавобгарликка тортилиши керак.
11 февраль куни бўлиб ўтган Финляндияда президентлик сайловларининг иккинчи босқичида Александр Стубб ғалаба қозонди. У 1 мартдан бошлаб давлат раҳбари лавозимига киришади.
19.02.2024 19:35
Финляндиянинг янги президенти Украина томонда
