1

2040 yilga borib O`zbekiston aholisi suvsizlikdan jiddiy aziyat cheka boshlaydi

Jamiyat 25.02.2024, 10:52
2040 yilga borib O`zbekiston aholisi suvsizlikdan jiddiy aziyat cheka boshlaydi

2025 yilga kelib dunyo aholisining yarmi suv tanqisligiga uchragan hududlarda yashashi kutilmoqda. Bu haqda Dunyo resurslari instituti tadqiqotida ma`lum qilindi.

2030 yilda kuchli suv tanqisligi tufayli 700 millionga yaqin odam iqlim muhojirlariga aylanadi.  

2040 yilga borib O`rta Osiyo, jumladan, O`zbekistonda 80 foizdan ortiq aholi suv tanqisligidan to`g`ridan-to`g`ri aziyat cheka boshlaydi. Bu dunyo bo`yicha eng yuqori xavfli hududdir.

Kelajakda, hatto, etarli suv resurslariga ega mamlakatlarda ham suv tanqisligi sezila boshlaydi. Bu bir qator omillar - infratuzilma va suv taqsimlashdagi xatoliklar, ifloslanish, mojarolar yoki suv resurslarini noto`g`ri boshqarish bilan bog`liq. Iqlim o`zgarishi esa suv tanqisligi muammosini tezlashtirib yuboradi.

Yuqoridagi kartada qizil rangdagi hududlar bilan 2040 yilga borib 80 foiz aholisi suv tanqisligidan aziyat chekadigan davlatlar tasvirlangan (O`zbekiston shu xavfli hududlar ro`yxatida).

Sharhlar

Ob-havo: Toshkent
Valyuta kursi
1