Kuchli yomg`ir Farg`ona va Toshkentdagi ikkita podsatansiyani ishdan chiqardi

Kuchli yomg`ir natijasida Toshkent shahridagi 110/35/10 kV kuchlanishli “Teplichnaya” podstansiyasi hamda Farg`ona viloyatidagi 110 kVli “L-Charxiy-1” elektr uzatish tarmog`ida nosozlik yuzaga kelgan. Bu haqida Energetika vazirligi xabar berdi.

Buning natijasida Mirobod va Sergeli tumanlari iste`molchilari qisman (3 ming 750 ta) va Qo`qon shahri iste`molchilari qisman (4 ming 200 ta) elektr ta`minotidan uzilgan. 

Hozirgi vaqtda maxsus brigada tomonidan ushbu nosozliklar bartaraf etilayotgani aytilmoqda.

Qayd etilishicha, nosozliklar qisqa vaqt ichida bartaraf etiladi va iste`molchilarga barqaror elektr energiyasi etkazib berilishi ta`minlanadi.