Avval xabar berganimizdek, bugun AQShning Nyu-Jersi shtati Atlantik-Siti shahri navbatdagi UFC turniri o`tkazildi. Unda o`zbekistonlik UFC jangchisi nursulton Ro`ziboev ham oktagonga ko`tarilib, navbatdagi g`alabasini hisobiga yozdirib qo`ydi.
Musobaqa tashkilotchilari bugungi oqshomda "bonuslar" kimlarga nasib qilganini ochiqladi. Turkiyalik Ibo Aslan hamda shvesiyalik Anton Turkal to`qnashuvi bugungi turnirning eng yaxshi jangi deb topildi. Aslan jangning uchinchi raundida raqibini texnik nokautga uchratdi. Har ikkala jangchi ham kafolatlangan gonorarga qo`shimcha 50 000 dollarlik bonus chekini ham qo`lga kiritishdi.
Shuningdek, bugungi turnirda ko`rsatgan yorqin janglari uchun amerikaliklar Net Landver va Dennis Buzukya ham 50 ming dollarlik mukofot puliga loyiq ko`rilgan. Net jangning birinchi raundida hamyurti Jamall Emmersni, Buzukya esa uchinchi raundda Konnor Mettyusni nokautga uchratdi.
Biroq, bu safar birinchi raundda raqibidan ustun kelgan Nursulton Ro`ziboevga bonus berilmadi.