Namangan viloyatning Kosonsoy tumanida yashovchi shaxs Andijonning Buloqboshi tumanida yashovchi fuqaro bilan gaplashib, uning bir buyragini sotib berishga kelishgan. Bu haqda Namangan viloyati IIB xabar qildi.
Kelishuvga ko`ra, ular Tojikistonga borishi va jarrohlik amaliyoti o`sha erda o`tkazilishi kerak bo`lgan. U buyrak evaziga $4 ming berishni aytgan.
Ushbu shaxs fuqaroni qalbaki tug`ilganlik to`g`risidagi guvohnoma va boshqa hujjatlar bilan Toshkentga olib kelayotgan vaqtida Namangan viloyati huquqni muhofaza qiluvchi organ xodimlari tomonidan qo`lga olingan.
Mazkur holat yuzasidan Pop tumani IIB huzuridagi tergov bo`linmasi tomonidan JKning 133-1-moddasi 1-qismi, 228-moddasi 1-qismi bilan jinoyat ishi qo`zg`atilib, hozirda dastlabki tergov harakatlari olib borilmoqda.
#Namangan #jinoyat #buyrak #jarrohlik amaliyoti
