Avval xabar qilinganidek, joriy yil 26 aprel kuni Sankt-Peterburgda ko`cha tozalovchi bo`lib ishlovchi 48 yoshli Olimjon Ibrohimov yong`in sodir bo`lgan binoning uchinchi qavatida qolib ketgan ayollarning qutqarib olinishiga yordam bergan edi. U drenaj trubasiga chiqib, uchinchi qavatga chaqqonlik bilan ko`tarildi va ayollarga derazadan tushib, karnizga turib olishga ko`maklashdi. Yordamga kelgan o`t o`chiruvchilar esa ayollarni zinapoya orqali pastga tushirdi. Hodisani o`tkinchilar videoga olib, ijtimoiy tarmoqlarga joylashtirganidan so`ng, Ibrohimov mashhur bo`lib ketgan edi
Shundan so`ng, Podolskaya ko`chasida odamlarni yong`indan qutqargan o`zbekistonlik Olimjon Ibrohimov uchun shaharliklar 36 ming rubl yig`ishdi.
Ayni paytda xabar qilinishicha, Sankt-Peterburgda odamlarni yong`indan qutqargan Olimjon akaga yangi ish taklif qilindi
O`zbekiston fuqarosi Olimjon Ibrohimovni Kingisepp mashinasozlik zavodiga ishga taklif qilishgan.
Uning 5-darajali payvandchi mutaxassisligi bor ekan. Shuning uchun Olimjon akaga o`z kasbi bo`yicha ish hamda yuqori maosh taklif qilindi, deyiladi xabarda