Yangi tartibga ko‘ra, tibbiyot xodimlari uchun ish haftasi 36 soatdan oshmasligi belgilandi. Zararli va xavfli mehnat sharoitida ishlovchilar, shuningdek, yuqori psixoemotsional va intellektual yuklamaga ega tibbiy faoliyat turlarida ham ish vaqti haftasiga 36 soat etib belgilanadi.
Notibbiy xodimlar uchun esa ish vaqti haftasiga 40 soatni tashkil qiladi.
Poliklinika va oilaviy shifokorlik punktlari dushanba–juma kunlari 08:00–20:00 gacha, shanba kuni esa 08:00–14:00 gacha navbatchilik asosida ishlaydi.
Yangi tibbiyot modeli joriy etilgan hududlarda asosiy ish vaqti 08:00–16:00 etib belgilanishib, 16:00–20:00 oralig‘ida qo‘shimcha navbatchilik tashkil etiladi.
Navbatchilik vaqtida tibbiyot xodimlarining ish haqi saqlanib qoladi. Shuningdek, ichki hujjatlar va mehnat shartnomalari qayta rasmiylashtiriladi. Statsionar muassasalarda esa navbatchilik doimiy asosda tashkil etiladi.
