Bu haqda u Rossiya tomonidan Ukrainaga qarshi navbatdagi yirik dron va raketa hujumlari amalga oshirilganidan so‘ng ma’lum qildi.
Qayd etilishicha, Rossiya yuzlab dron va raketalarni mamlakat bo‘ylab uchirgan. Oqibatda olti nafir tinch aholi halok bo‘lgan, 40 kishi esa jarohat olgan.
So‘nggi vaqtlarda avval kam uchraydigan yirik kunduzgi hujumlar soni ortib bormoqda.
Bu holat Donald Trump va uning jamoasi e’tiborini Yaqin Sharqdagi mojaroga qaratgan bir paytda, urushni to‘xtatishga qaratilgan sa’y-harakatlar sekinlashgan sharoitda yuz bermoqda.
Shu bilan birga, Zelenskiy Britaniya razvedkasi ma’lumotlariga tayanib, sharqdagi front chizig‘idagi vaziyat so‘nggi 10 oy ichida Ukraina uchun “eng qulay” darajaga yetganini ta’kidladi. Unga ko‘ra, Rossiya qo‘shinlarining ilgarilashi sekinlashgan.
Shunga qaramay, hujumlar to‘xtatgani yo‘q.
Kiyevning g‘arbida joylashgan Jitomir viloyatida qutqaruvchilar vayron bo‘lgan uylar qoldiqlari ostida tirik qolganlarni qidirishga majbur bo‘lgan. Ayrim joylarda butun boshlı uylar qatori vayron bo‘lgan.
Kiyev viloyatida esa dronning ko‘p qavatli uy tomon uchib borib, bino yoniga urilishi va yong‘in kelib chiqishi tasvirga olingan.
Xarkov shahrida bir ayol halok bo‘lgan, yana bir necha kishi og‘ir tan jarohati olgan. Shahar hokimi bu hujumlarni so‘nggi vaqtlardagi “eng yiriklaridan biri” deb baholagan.
Zelenskiy ushbu hujumlarni Rossiyaning bayram munosabati bilan vaqtincha sulh taklifiga javobi sifatida baholadi. Pravoslav xristianlar yaqin dam olish kunlarida Ukraina va Rossiyada Pasxa bayramini nishonlaydi.
“Ruslar zarbalarni yanada kuchaytirdi, osmondagi so‘kinlik o‘rniga Pasxa eskalatsiyasini tanladi”, — deb yozdi u ijtimoiy tarmoqda.
