Ayni damda Toshkent shahrida buyuk davlat arbobi va sarkarda, ilm-fan, madaniyat va san'at homiysi Amir Temur tavalludining 690 yilligi munosabati bilan Qurolli Kuchlar tarkibiga kiruvchi vazirlik va idoralar harbiy bo‘linmalarining tantanali piyoda yurish marosimi bo‘lib o‘tmogda.
Ma'lum qilinishicha, harbiy bo‘linmalarning tantanali piyoda yurishlari O‘zbekiston Respublikasi Harbiy xavfsizlik va mudofaa universiteti hududidan boshlangan.
Yurish ishtirokchilari "Parkent" va "Mustaqillik" ko‘chalari bo‘ylab Amir Temurning jangovar bayrog‘ini ko‘targan holda harakatlanmogda. Ular bugungi kundagi jangovar va kundalik harbiy liboslar bilan birga Amir Temur davriga oid qurol-aslaha va kiyim-bosh namunalarini ham namoyish etmoqda.
