AQSh Markaziy qo‘mondonligi 13 apreldan boshlab Eron portlariga kirib-chiqadigan barcha kemalarga nisbatan dengiz blokadasi joriy etilishini ma’lum qildi. Qaror AQSh prezidenti Donald Trump tomonidan qabul qilingan.
Mazkur blokada Fors ko‘rfazi va Ummon ko‘rfazidagi Eron portlarini to‘liq qamrab oladi hamda barcha davlatlar kemalariga tatbiq etiladi. Shu bilan birga, AQSh tomoni Hormuz bo‘g‘ozi orqali xalqaro suzish erkinligi saqlanib qolishini bildirgan.
Bu qaror AQSh va Eron o‘rtasida Islomoboddagi muzokaralar natijasiz yakunlanganidan so‘ng e’lon qilindi. Trumpning ta’kidlashicha, asosiy maqsad — Eronning neft savdosidan tushadigan daromadlarini qisqartirish hamda dengiz orqali olinadigan to‘lovlarni to‘xtatishdan iborat.
Eron tomoni esa usbu bayonotlarni rad etib, bunday tahdidlarni asossiz deb atadi. Harbiy-dengiz kuchlari vakillari mamakat floti mintaqadagi vaziyatni to‘liq nazorat qilayotganini bildirgan.
