АҚШ Марказий қўмондонлиги 13 апрелдан бошлаб Эрон портларига кириб-чиқадиган барча кемаларга нисбатан денгиз блокадаси жорий этилишини маълум қилди. Қарор АҚШ президенти Доналд Трамп томонидан қабул қилинган.
Мазкур блокада Форс кўрфази ва Уммон кўрфазидаги Эрон портларини тўлиқ қамраб олади ҳамда барча давлатлар кемаларига татбиқ этилади. Шу билан бирга, АҚШ томони Ҳормуз бўғози орқали халқаро сузиш эркинлиги сақланиб қолишини билдирган.
Бу қарор АҚШ ва Эрон ўртасида Исломободда бўлиб ўтган музокаралар натижасиз якунланганидан сўнг эълон қилинди. Трампнинг таъкидлашича, асосий мақсад — Эроннинг нефть савдосидан тушадиган даромадларини қисқартириш ҳамда денгиз орқали олинадиган тўловларни тўхтатишдан иборат.
Эрон томони эса ушбу баёнотларни рад этиб, бундай таҳдидларни асоссиз деб атади. Ҳарбий-денгиз кучлари вакиллари мамлакат флоти минтақадаги вазиятни тўлиқ назорат қилаётганини билдирган.
