author

Фирдавс Фридунович Абдухалиқов

Ғоя муаллифи

1963 йил 10 августда Самарқандда туғилган.

Ўзбекистон Республикаси Олий Мажлисининг II чақириқ депутати,  2018 йилдан Ўзбекистон маданий меросини ўрганиш, асраш ва тарғиб қилиш бўйича Бутунжаҳон жамияти бошқаруви раиси, 2019-2024 йилгача Ўзбекистон Кинематография агентлиги бош директори, 2024 йилдан Вазирлар Маҳкамаси ҳузуридаги Ўзбекистондаги Ислом цивилизацияси маркази директори,  Ўзбекистонда хизмат кўрсатган журналист, продюсер ва бир қанча китоблар муаллифи, санъатшунослик фанлари бўйича фалсафа доктори.  

Фирдавс Абдухолиқов 1980 йилда Самарқанд шаҳридаги У.Самиев номидаги 16-мактабни тамомлаган. 1980-1985-йилларда Самарқанд давлат университетининг филология факультетида, 2001-2007-йилларда Самарқанд давлат университетининг иқтисод факультетида таҳсил олади.

Меҳнат фаолияти

1985-1987 — Самарқанд шаҳар 33-сонли касб-ҳунар билим юрти ўқитувчиси.

1987-1988-йилларда Самарқанд шаҳридаги 16-сонли матбаа билим юрти ўқув-тарбиявий ишлар бўйича директор ўринбосари.

1988-1989-йилларда Самарқанд вилояти ёшлар маркази директори.

1989-1998-йилларда СТВ (Самарқанд телевидиениеси) биринчи нодавлат телекомпаниясининг бош директори ва асосчиси.

1998-1999-йилларда “Ўзтелерадиокомпания” раиси ўринбосари.

1999-2004-йилларда Ўзбекистон Республикаси Олий Мажлисининг II чақириқ депутати.

1999-2001-йилларда Ўзбекистон Республикаси Олий Мажлисининг Ёшлар ишлари бўйича комиссияси раиси.

1999-2002-йилларда Ўзбекистон Республикаси Президенти матбуот хизмати бош маслаҳатчиси.

2003-2022-йилларда Ўзбекистон электрон оммавий ахборот воситалари миллий ассоциацияси (ЎзЭОАВМА) асосчиси ва бошқаруви раиси.

2018-йилда — Ўзбекистон маданий меросини асраш, ўрганиш ва тарғиб қилиш бўйича Бутунжаҳон жамияти бошқаруви раиси.

2019-2024 йилгача Ўзбекистон Республикаси Президентининг қарори билан “Ўзбеккино” Миллий агентлиги Бош директори этиб тайинланди, кейинчалик Ўзбекистон Кинематография агентлигига ўзгартирилди.

2024 йилдан Вазирлар Маҳкамаси ҳузуридаги Ўзбекистондаги Ислом цивилизацияси маркази директори.

Илмий фаолияти

У Ўзбекистон тарихий меросига оид кўплаб китоблар, жумладан, “Ўзбекистон маданий мероси жаҳон тўпламларида”, “Ўзбекистон меъморий эпиграфияси”, “Асрий анъана асровчилари” туркум китоб-альбомлари муаллифи ва ҳоказо.

Продюсерлик фаолияти

30 дан ортиқ фильмларнинг бош продюсери ва ҳаммуаллифи. Улар орасида:

“Ўзбекистон — қумлар гавҳари”

“Қорақалпоғистон. Вақт қумлари нигоҳида”

“Нукус. Номаълум коллекция”

“Ўзбекистон. Севги ҳақида афсона”

"Ўзбекистон. Учинчи Уйғониш даврига назар"

“Ўзбекистон. Уйғониш”

“Мен террорчи эмасман”

“Илҳақ”

“Халқ жасорати”

“Қуёш тафти”

“Тутқунлик”

“Ўзбекистон маданий мероси жаҳон тўпламларида” туркум фильмлари

“Халқ кўнгли” туркум фильмлари ўрин олган.

Шунингдек, BBC, EURONEWS, CNBC ва бошқалар билан ҳамкорликда “Катта Лангар Қуръони: сирлар ва ҳақиқатлар” — “Янги Ўзбекистон” ва бошқа лойиҳалар тайёрланди.

Унвон ва мукофотлар

2000 йил — “Ўзбекистон белгиси“ кўкрак нишони.

2001 йил — “Ўзбекистон мустақиллигининг ўн йиллиги” кўкрак нишони

2011 йил — “Олтин қалам” миллий мукофоти

2011 йил — “Ўзбекистон Республикасида хизмат кўрсатган журналист” фахрий унвони

2016 йил — “Ўзбекистон мустақиллигининг йигирма беш йиллиги” кўкрак нишони

2017 йил — “Ўзбекистон Конституциясига йигирма беш йил” кўкрак нишони

2018 йил — “Меҳнат шуҳрати” ордени

2019 йил — Халқаро “Авиценне” мукофоти

2021 йил — “Тожикистон Республикаси кинематографияси аълочиси” кўкрак нишони

2021 йил — “Ўзбекистон мустақиллигининг ўттиз йиллиги” кўкрак нишони.