Нишон тумани халқ таълими бўлимига қарашли 32-умумий ўрта таълим мактабидаги бир қатор муаммолар бўйича ижтимоий тармоқ орқали мурожаат эълон қилинган эди. Қашқадарё вилоят халқ таълими бошқармаси матбуот хизматининг маълум қилишича, арз қилинган муаммолар ўрганилган.
Маълум қилинишича, мактуб “Катта Анҳор” МФЙ ҳудудида жойлашган бўлиб, 1992 йилда қурилган ва мослаштирилган бинода жойлашган.
32-умумий ўрта таълим мактаби 120 ўқувчи ўрнига мўлжалланган. Ҳозирги вақтда 197 нафар ўқувчилар таълим-тарбия олишади.
“Катта Анҳор” МФЙ ҳудудидаги 32-умумий ўрта таълим мактабининг биринчи филиали Балхияк қишлоғида жойлашган. Ушбу филиал учун 2018 йилда 60 ўринли филиал мактаб биноси қуриб фойдаланишга топширилган. ўқувчилар сони 65 нафарни ташкил этади.
“Катта Анҳор” МФЙ ҳудудидаги 32-умумий ўрта таълим мактабининг иккинчи филиали “Истиқбол” МФЙ ҳудудидаги Ширин қишлоғида жойлашган. Ушбу филиал учун 2018 йилда 60 ўринли филиал мактаб биноси қуриб фойдаланишга топширилган. ўқувчилар сони 65 нафарни ташкил этади. Филиалда 3 та синфхона 1 та кутубхона ва 1 та ўқитувчилар хонаси мавжуд. 3 та синфхона учун етарлича парта стуллар, шунингдек ўқитувчилар хонаси ва кутубхона учун етарлича жиҳоз етказиб берилган.
32-умумий ўрта таълим мактабининг Ширин қишлоғи филиалидаги ўқувчилар сони синфлар кесимида қуйидагича:
1. 1-синф 10 нафар
2. 3-синф 5 нафар
3. 5-синф 11 нафар
4. 7-синф 15 нафар
5. 9-синф 10 нафар
6. 11-синф 14 нафар
Шундан келиб чиқиб Ширин қишлоғидаги филиалда қуйидагича синф комплекти шакллантирилган:
1. 1-ва 3- синф 15 нафар 1 та синф
2. 5-синф 11 нафар 1 та синф
3. 7-синф 15 нафар 1 та синф
4. 9-синф 10 нафар 1 та синф
5. 11-синф 14 нафар 1 та синф
Ижтимоий тармоққа қилинган мурожаат бўйича ўрганиш натижалари қуйидагича, дейилади расмий муносабатда:
"Тасвирда: Печкалар ёнмаганлиги сабабли уйи яқин ўқувчилар уйига бориб исиниб келаётганлиги, бу ҳолат қиш келганидан бери давом этаётганлиги, аввал ҳам мурожаат қилганлиги, қилиб берамиз деб ваъда берганлигини, печка ёнмаётганлигини ўқувчилар таъкидлашган.
Аниқланишича: Филиал мактаб 60 ўринли бўлиб, 2018 йилда Инвестиция дастури доирасида “Саҳро” хусусий корхонаси томонидан 371 млн 818 минг сўм маблағҳисобига филиал мактаб янгидан қурилган ва филиал мактабга 1 дона иситиш қозони ўрнатилган. Мактабга ўрнатилган қозон яхши ишламаслиги сабабли Махсус таъмирлаш эксплуатация хизмати томонидан 2019 йил декабр ойида алмаштирилган. Ҳозирги кунда филиал мактабдаги иситиш қозони ишламоқда.
Тасвирда: Атаплениялар чиройли ҳолатда монтаж қилинганлиги, печкаларни ёқиб кўришганлигини, лекин исимаганлигини, иситиш тизими бутун мактабга битта қозон ўрнатилган, битта нуқтага ўрнатилган печка икки марта алмаштирилса ҳам қизимайди, мактабнинг бир ишчиси ўзининг ҳисобидан сув насоси ўрнатиб берганлигини, лекин натижасиз, умуман мантаж нотўғри қилинганлигини, сув тўлдириш баки тепага ўрнатилганлигини, тепага чиқиб бир киши сув тўлдира олмаслигини, уни пастроқ ўрнатиш зарурлигини билдирган.
Аниқланишича:Филиал мактабдаги синфхоналар ва маъмурий хоналардаги ички иситиш тизими замонавий АКФА батареялари ва пластмасса қувур билан монтаж қилинган. Ҳозирги кунда филиал мактабдаги 3 та синфхонадан 2 таси яхши исийди, 1 та синфхонадаги ички сув қувурларида сув айланмаслиги сабабли яхши исимайди. Махсус таъмирлаш эксплуатация хизмати томонидан иситиш тизими қувурларида таъмирлаш ишлари олиб борилмоқда.
Тасвирда: Ушбу ҳолатларни мактаб директори, синф раҳбарларига айтганлигини, лекин улар тўғрилаб берамиз дейишганини, синф раҳбари ҳозир уйдалигини, ноябр ойидан бери синф раҳбари томонидан кундаликлар текширилмаганлиги, синф раҳбарининг бошқа дарси йўқлиги, фақат битта синф раҳбари борлигини, совуқлик масаласида ота-оналарига айтганларида мактабга бормасликларини айтишганини ўқувчилар айтишган.
Аниқланишича: 7 синф раҳбари Боллиева Азизанинг ҳақиқатдан ҳам синф раҳбарлигидан бошқа дарси йўқлиги ва ўқувчиларнинг кундаликлари текширилганли аниқланди. Ўқувчилардан сўралганида синф раҳбари А.Боллиева ҳар куни келишини, уларнинг кундалик дафтарларини текшириб боришини, синфхоналар исиб туриши баъзи ҳолларда иссиқлик меъёр даражада бўлмаслигини маълум қилишган.
Тасвирда: Инсофли домлалар 45 минут дарс ўтади, инсофсизлари эса 10-15 минут дарс ўтишлигини, алгебра дарсини домла яхши ўтмаслигини, ўзи ҳам билмаслигини, берилган вазифаларни текшириб беришини сўраганда “Девона бўлдиларингми, бу бозорми деб бақириб беришлигини”, дарс пайти анча вақт домла чиқиб кетишлигини, қайтиб келгандан кейин эса бизга жўгилар, лўлилар деганини, синф журналини ва китобларни партага қаттиқ уришлигини, алгебра, геометрия домласидан бошқа фанлардан инсофли домлалар 45 минут дарс ўтади, инсофсизлари 10-15 минут дарс ўтишлигини ўқувчилар таъкидлашган.
Аниқланишича:Филиалда жами 13 нафар ўқитувчилар дарс бериб, асосий мактабдан
12 км узоқликда жойлашган бўлиб, баъзи ҳолларда транспорт қатнови бўлмаганлиги сабабли ўқитувчилар дарсларга кечикиб келиш ҳолатлари мавжудлиги аниқланди. Ушбу масалада ўқувчилардан сўралганида дарс машғулотлари тўлиқ ўтиб келинаётганлиги, фақатгина алгебра ва геометрия фанларининг ўтилиши қониқарсиз эканлигини билдиришган.
Шунингдек, алгебра ва геометрия фанлари ўқитувчиси И.Рахмонов 2020 йилнинг 4 январь кунидан бошлаб вилоят педагог кадрларини қайта тайёрлаш ва малакасини ошириш институтига малака ошираётганлиги аниқланди.
2020 йил 22 январь куни мутахассислар иштирокида ўрганилганида синф хоналари иссиқ холатда эканлиги, қиш мавсумида ёқиш учун етарли кўмир мавжудлиги аниқланди.
Интернет тармоғида тарқатилган мазкур хабар туман прокуратурасининг жиноят тўғрисидаги ариза ва хабарларни рўйхатга олиши китобига кирим қилиниб, амалга оширилган қурилиш ишлари ва бошқа ҳолатлар юзасидан терговга қадар текшириш ҳааркатлари олиб борилмоқда.
