Аввал хабар берганимиздек, айни пайтда Олий Мажлис Қонунчилик палатасида Ўзбекистон Республикаси Президенти Шавкат Мирзиёев иштирокида Қонунчилик палатасининг биринчи йиғилиши бўлиб ўтмоқда.
Даставвал, Олий Мажлис Қонунчилик Палатаси Спикери ва унинг ўринбосарлари сайлаб олинди.
Ўзбекистон Республикаси Президенти Шавкат Мирзиёевнинг нутқи эшитилди.
Депутатлар сўзга чиқди.
Шундан сўнг, давлат раҳбари депутаталардан: "Тайёргарликсиз бирор таклифлар бўлса айтинглар, бўлмаса хозир спикер йиғилишни ёпади, келинг, ҳеч қандай расмий нутқсиз, ўтирган ўрнингиздан эркин мулоқот қиламиз, менга қандай таклиф ёки саволларингиз бор?" — дея таклиф билдирди.
Миллий Тикланиш партияси раҳбари Алишер Қодиров сўзга чиқди. У ўз нутқида илк депутатлик даврларининг бугундан фарқи ва бу галги сайлов ҳақида гапирди.
“Биз бу сафар бўлиб ўтган сайловда ғолиб бўлишимиз керак эди, бироқ озгина тактик хатоликка йўқ қўйдик. Бу эса бошқа партияларга қўл келди. Агар кейинги сафар ғолиб бўлсак, партиямиз олдига белгилаб қўйган каттадан-катта мақсад ва ҳаракатларимизни умуман бошқача куч ва шижоат билан амалга оширамиз”, деди депутат.
