Biroz avval, ijtimoiy tarmoqlarda Toshkent viloyati, Ohangaron shahrida homilador ayol qornidagi homilasi bilan vafot etgani haqida xabar bergan edik.
Mazkur holat yuzasidan Toshkent viloyati sog`liqni saqlash boshqarmasi quyidagilar ma`lum qildi.
Aniqlanishicha, 2024 yilning 3 aprel kuni soat 02:45 da 1992 yil Ohangaron shahrida tug`ilgan X.A. qorin va beldagi og`riq bilan Ohangaron shahar tibbiyot birlashmasi tug`uruq bo`limiga “Homiladorlik 4, 39 hafta tug`uruq 3. Tug`uruqning 1 davri, latent fazasi. Semizlik 3 daraja” tashxisi bilan qabul qilingan. Bemor shifokorlar nazorati ostida bo`lgan.
2024 yil 4 aprel kuni soat 14:10 da ayolning to`satdan ahvoli og`irlashib, havo etishmasligi va yurak sohasida og`riq bilan nafas olishi qiyinlashgan.
Shundan so`ng zudlik bilan reanimatolog ishtirokida bemorda zarur reanimasion choralar amalga oshirilgan.
Biroq shunga qaramay, soat 14:35 da ayolda biologik o`lim holati kuzatilgan.
Sud-tibbiy ekspertizasining dastlabki xulosasiga ko`ra, bemorning o`limiga yurak ishemik kasalligi, o`tkir koronar etishmovchiligi, yurak mushaklarining gipertrofiyasi va o`tkir miokard infarkti sabab bo`lgan.
Asorati: O`tkir yurak va nafas etishmovchiligi. O`pka shishi. Bosh miya shishi.
Yondosh: Homiladorlik 4, tug`uruq 3, homiladorlik 39-40 hafta. Bachadon shilliq qavatlariga qon quyilishi. Semizlik 3 daraja. O`tkir jigar gepatozi. Homila ichi asfiksiyasi. Homila antenatal o`limi.
Hozirda mazkur holat bo`yicha huquq-tartibot idoralari tomonidan surishtiruv ishlari olib borilmoqda. Yakuniy xulosalar bo`yicha jamoatchilikka qo`shimcha ma`lumot beriladi.
