Prokuratura organlari tomonidan Farg`ona viloyati tarixi va madaniyati davlat muzeyida sodir bo`lgan yong`in holati yuzasidan tergovga qadar tekshiruv o`tkazilmoqda. Bu haqda Bosh prokuratura xabar qildi.
Dastlabki tekshiruvda, 2024 yil 11 aprel kuni mazkur muzeyning ikkinchi qavatida yong`in kelib chiqishi oqibatida muzey ekspozisiyasida namoyishga qo`yilgan XIX asrga oid masjid eshigi hamda qadimiy miltiqning qo`ndog`i yonib zararlangani aniqlangan.
Hozirda mutaxassislar ishtirokida tekshiruv harakatlari davom ettirilmoqda, natijasi yuzasidan qonuniy qaror qabul qilinib, qo`shimcha ravishda ma`lumot beriladi.
Tekshiruv harakatlari Bosh prokuratura tomonidan nazoratga olingan.
