O`zbekistonda o`tgan hafta piyozning ulgurji narxi 1500 so`mgacha tushib ketdi. Bu haqda EastFruit tomonidan amalga oshirilgan monitoring natijalarida qayd etilgan.
Ma`lum bo`lishicha, O`zbekiston tarixida yilning bu davrida piyozning bunday arzon narxi bo`lmagan. Bir yil avval piyoz narxi hozirgidan 4,4 barobar qimmatroq edi.
EastFruit’ga ko`ra, kamida 150-200 ming tonna piyozni chiqindiga tashlashga yoki qoramollar uchun emish sifatida berishga to`g`ri keladi.
