Korrupsiyaga qarshi kurashish agentligi tomonidan qator davlat xaridlarida qonunbuzilishi holatlariga yo`l qo`yilganligi aniqlandi. Bu haqda agentlik matbuot xizmati xabar qildi.
Xususan:
➖ “Sho`rtan gaz kimyo majmuasi” MChJ buyurtmachiligidagi 9,4 mlrd so`mlik;
➖"Oqdaryo tuman yo`llardan foydalanish" korxonasi buyurtmachiligidagi 2,5 mlrd so`mlik;
➖Andijon qishloq xo`jaligi va agrotexnologiyalar instituti buyurtmachiligidagi 150 mln so`mlik davlat xaridlarida qonunchilik talablariga zid ravishda affillangan shaxslar g`oliblikni qo`lga kiritgan.
Shuningdek:
“Hududgazta`minot” AJ buyurtmachiligidagi 1,2 mlrd so`mlik;
“Farg`onayo`lko`kalam” UK buyurtmachiligidagi 289,5 mln so`mlik;
Urganch davlat universiteti buyurtmachiligidagi 260,6 mln so`mlik;
Qo`qon shahar hokimligi buyurtmachiligidagi 212 mln so`mlik;
Hayvonlarni identifikasiya qilish, ro`yxatga olish va kuzatish markazi buyurtmachiligidagi 120 mln so`mlik;
"Namangan yo`l qurilish-ta`mirlash" MChJ buyurtmachiligidagi 120 mln so`mlik davlat xaridlarida manfaatlar to`qnashuvi holatlariga yo`l qo`yilganligi aniqlandi.
Agentlikning taqdimnomalariga binoan yuqoridagi davlat xaridlari bo`yicha xarid komissiyasining bayonnomalari bekor qilindi va to`plangan hujjatlar qonuniy chora ko`rish uchun huquqni muhofaza qilish organlariga yuborildi.