Cal avval Namangan viloyati Mingbuloq tumanida kuchli shamol sabab aholi xonadonlari tomlarining qulab tushgani xabar qilingan edi. Mazkur talofat yuzasidan "Zamon" informasion dasturida batafsil ma`lumot berildi.
Xabarda aytilishicha, Mingbuloq tumanida tonggi soat beshlar atrofida kuchli shamol kuzatilgan. Natijada Mingbuloq tumani “Jamoshi” shaharchasidagi tuman mahalla va oilani qo`llab quvvatlash bo`limining tom qismi hamda “Tungi yog`du” majmuasi yonidagi ko`p qavatli uylarning tom qismida shikastlanish yuzaga kelgan.
Mutasaddilarning aytishicha kuchli shamol sabab yuzaga kelgan favqulotda holatdan jabrlanganlar bo`lmagan. Ushbu holat yuzasidan tezkor shtab tuzilib chora-tadbirlar amalga oshirilmoqda.
