Tahririyatimizga Qashqadaryo viloyatidan Sh.Sayfieva quyidagicha murojaat yo`lladi:
— Sobiq erimning ikki yillik aliment qarzdorligi bor. Yaqinda ijrochilarga undiruvni ta`minlab berishlarini so`rab murojaat qilganimda, qarz allaqachon yopilganini aytishdi. Lekin men bir so`m ham olmaganman. «Nimaga asoslanib yopildi? Puli qani?» degan savollarim ochiq qoldi. Bu vaziyatda nima qilishim mumkin?
Savolga javob olish maqsadida fuqarolik ishlari bo`yicha Mirobod tumanlararo sudi rais o`rinbosari Odilbek XAZRATQULOV bilan bog`landik:
— Sud buyrug`i yoki da`vo ariza orqali voyaga etmagan farzandlarning ta`minoti uchun qarzdordan undirilgan aliment, undiruvchining aliment undirishdan voz kechish haqidagi arizasi asosida ijro ish yurituvi “Sud hujjatlari va boshqa organlar hujjatlarini ijro etish to`g`risida”gi Qonunning 37-moddasi 2-qismini 1-bandiga asosan tugatiladi.
Aliment undirish haqidagi ijro harakatlari undiruvchi va qarzdoro`rtasida sud tomonidan tasdiqlangan kelishuv bitimi tuzilgan holatlarda, undiruvchi yoki qarzdor vafot etganda, u vafot etgan deb e`lon qilinganda, bedarak yo`qolgan debtopilganda, agar sud hujjati yoki boshqa organning hujjatida qo`yilgan talablar yoki majburiyatlar huquqiy vorisga yoki bedarak yo`qolganning mol-mulkini ishonchli boshqarib turgan shaxsga o`tishi mumkin bo`lmagan holatlarda tugatilishi mumkin.
Agarda voga etmagan farzandlarning ta`minot undirish haqidagi sud buyrug`i qarzdorning arizasiga ko`ra, sud tomonidan bekor qilinganda sud ijrochisi tomonidan ijro ishi yuritishni turgatishi mumkin. Bunday holatda aliment undiruvchi da`vo ariza tariqasida sudga murojaat qilish huquqi vujudga keladi.
Dildora NAZAROVA
