O`zbekistonda umumiy o`rta ta`lim muassasalari reytingini aniqlash tartibi belgilandi

Jamiyat 06.06.2021, 18:02
Teglar: Maktab
O`zbekistonda umumiy o`rta ta`lim muassasalari reytingini aniqlash tartibi belgilandi

Hukumat qarori (345-son, 03.06.2021 y.) bilan Umumiy o`rta ta`lim muassasalari reytingini aniqlash tartibi to`g`risidagi nizom tasdiqlandi.

Nizomga ko`ra, har yili 20 yanvarga qadar Qoraqalpog`iston Respublikasi, Toshkent shahri va viloyatlarda Ta`lim inspeksiyasi hamda tizimida umumiy o`rta ta`lim muassasasi bo`lgan vazirliklar va idoralarning hududiy bo`linmalari xodimlaridan iborat tegishli hududdagi umumiy o`rta ta`lim muassasalarida ijtimoiy so`rovnomalar va nazorat ishlarini o`tkazish bo`yicha ishchi guruhlar tuziladi.

Ishlab chiqilgan reytingni aniqlashga oid ma`lumotlar bazasini shakllantirish bo`yicha jadvallar har yili 1 fevralga qadar Ta`lim sifatini nazorat qilish davlat inspeksiyasi rasmiy veb-saytidagi platformaga (monitoring.tdi.uz) joylashtiriladi.  

Shu bilan birga, jadvallar ularga tegishli ma`lumotlar kiritilib, umumiy o`rta ta`lim muassasalarining direktorlari tomonidan tasdiqlangan holda 25 aprelga qadar hududiy bo`linmalarga taqdim etiladi.  

Hududiy bo`linmalar tomonidan jadvallar asoslantiruvchi hujjatlari bilan birgalikda har yili 1 mayga qadar maxsus platformaga joylashtiriladi.

Shuningdek, nazorat ishlari umumiy o`rta ta`lim muassasasi o`quvchilarining umumta`lim fanlari bo`yicha bilim darajasini aniqlash maqsadida yozma ish va test sinovi shaklida o`tkaziladi.

Reyting quyidagi hisoblash tamoyillari asosida aniqlanadi:

  • reytingda ishtirok etayotgan barcha umumiy o`rta ta`lim muassasalarining ballari har bir mezon bo`yicha alohida hisoblanadi;
  • tegishli mezon bo`yicha eng yuqori natijaga ega bo`lgan umumiy o`rta ta`lim muassasasiga mazkur mezon uchun belgilangan eng ko`p ball beriladi;
  • qolgan barcha umumiy o`rta ta`lim muassasalarining ballari eng yuqori ballga ega bo`lgan umumiy o`rta ta`lim muassasasining ballari yig`indisiga nisbatan hisoblab chiqariladi;
  • har bir mezon bo`yicha hisoblangan ballar yig`indisi asosida umumiy o`rta ta`lim muassasasining reytingi belgilanadi.  

Reyting natijalari har yili yangi o`quv yili boshlanishidan kechikmay Inspeksiyaning rasmiy veb-saytida e`lon qilinadi va OAVda yoritiladi.

Sharhlar

Namanganda maktab direktori o`qituvchilarni ishdan bo`shatish bilan qo`rqitib, tozalash ishlariga majburladi

02.08.2022, 12:01

Ijtimoiy tarmoqlarda “O`qituvchi mardikormi?” nomli tarqalgan xabar yuzasidan Namangan viloyat Bandlik bosh boshqarmasi Davlat mehnat inspeksiyasi  o`rganish o`tkazdi. Bu haqda Bandlik va mehnat munosabatlari vazirligi...
Xitoyda kuchli qor bo`ronlari kuzatildi. Maktab va bog`chalar vaqtincha yopildi

27.11.2021, 00:44

Xitoyning shimoli-sharqidagi provinsiyada kuchli qor bo`ronlari sodir bo`ldi. Bu haqda the watchers xabar berdi. Qayd etilishicha, qor bo`ronlari Xeylunszyan va Szilin provinsiyalarida kuzatilgan. Ob-havoning keskin o`zgarib ketishi oqibatida Xarbin,...
Maktab qabulidagi yangi tizim xatolarini to`g`irlay oladimi?

03.09.2021, 15:24

Korrupsiya – mudhish illat, ayniqsa u ta`lim tizimini o`z changaliga olsa, ikki karra falokat. Yaqin-yaqingacha kollej-u universitetlar u yoqda tursin, bog`cha-maktabga kirish ham “qistir-qistir”larsiz bitmas...
1-sinfga qabul uchun onlayn ro`yxatdan o`tish muddati uzaytirildi

05.07.2021, 18:35

2021-2022 o`quv yili uchun umumta`lim maktablariga 1-sinfga o`quvchilarni onlayn qabul qilish tizimi – my.maktab.uz platformasi orqali ro`yxatdan o`tish va ariza yuborish jarayoni 5 iyuldan 20...
Ob-havo: Toshkent
Valyuta kursi
1