Britaniyaning avtomobil ishlab chiqaruvchi mashhur kompaniyasi Bentley Motors 2030 yilga borib faqat elektromobillar ishlab chiqarishni rejalashtirmoqda. Bu haqda kompaniya rasmiy sayti xabar tarqatmoqda.
Ma`lum qilinishicha, kompaniya ushbu loyihani amalga oshirish uchun 2,5 milliard funt sterling (taxminan 3,4 milliard dollar) ajratadi.
Xabarda aytilishicha, 2032 yilgacha bo`lgan sarmoya avtomobillarni elektrlashtirish va kompaniyaning Angliyaning Kru shahridagi tarixiy zavodini modernizasiya qilish sohasidagi tadqiqot va ishlanmalarga yo`naltiriladi.
Bentley kompaniyasi avtosanoatdagi butlovchi qismlarni etkazib berish bilan bog`liq muammolarga qaramay, ketma-ket ikkinchi yildirki, avtomobil sotish bo`yicha rekordini o`z rekordini yangilab kelmoqda. 2021 yilda kompaniya 14 659 ta avtomobil sotdi, bu 2020 yildagi rekord 11 206 ta mashinadan 31 foizga ko`p.