O`zbekistonda aviachiptalarni sotib olish yanada osonlashdi. Bu haqda Uzbekistan Airways matbuot xizmati xabar bermoqda.
Ma`lum qilinishicha, Uzbekistan Airways aviakompaniyasi aviachiptalarni qulay xarid qilish uchun mobil ilovani ishga tushirdi. Endi yo`lovchilar uydan chiqmay turib mobil ilova orqali aviachiptalarni xarid qilishlari mumkin.
Bundan tashqari, mobil ilova yo`lovchiga aviachiptalarni tekshirish, joy tanlash, qo`shimcha bagaj va maxsus ovqat turlari tanlash kabi qo`shimcha xizmatlardan foydalanish imkonini berad. Shuningdek, har bir foydalanuvchi uchun ma`lum yo`nalishlar bo`yicha maxsus takliflar mavjud.
