Mobil aloqa xizmatlariga nisbatan soliq stavkasi kamaytirildi

Iqtisodiyot 27.07.2022, 12:18
Teglar: Soliq, mobil aloqa
Mobil aloqa xizmatlariga nisbatan soliq stavkasi kamaytirildi

Qonun (O`RQ-785-son, 26.07.2022 y.) bilan Soliq kodeksiga qo`shimcha va o`zgartirishlar kiritildi. Bu haqda Adliya vazirligi xabar bermoqda. 

Unga ko`ra, mobil aloqa xizmatlariga nisbatan soliq stavkalari 10 foiz etib belgilandi (ilgari 15 foiz edi).

Shu bilan birga, norezidentlar bo`lgan jismoniy shaxslarning mehnat shartnomalari va fuqarolik-huquqiy xususiyatdagi shartnomalar bo`yicha olingan daromadlari (dividendlar va foizlar hamda fraxtdan olingan daromadlardan tashqari) uchun soliq stavkalari 12 foiz etib belgilandi.

Qonun bilan qishloq joylarda joylashgan (bundan shaharlar va tumanlarning markazlari mustasno) antenna-machta metall konstruksiyalari, shuningdek ularga o`rnatilgan hamda ularning ajralmas qismi bo`lgan konstruksiyalar egallagan er uchastkalariga soliq solinmasligi belgilandi.

2022 yil 1 apreldan 2024 yil 31 dekabrgacha respublika rezidentlari va norezidentlari bo`lgan jismoniy shaxslarning (aksiyadorlarning) aksiyalar bo`yicha dividendlar tarzidagi daromadlari jismoniy shaxslardan olinadigan daromad solig`idan ozod qilinadi.

Shuningdek, Prezidentning va Hukumatning 2022 yil 1 iyulgacha qabul qilingan hujjatlarida nazarda tutilgan bojxona boji bo`yicha imtiyozlar ularning amal qilish muddati tugaguniga qadar amal qiladi.

Sharhlar

Soliq tizimida faoliyat olib boruvchi xotin-qizlarga ko`mak beruvchi yangi platforma yaratildi

04.10.2022, 20:27

2022 yil 4 oktyabr kuni Davlat soliq qo`mitasida “Innovasion yondashuv va kreativ fikrlash – yuksak natija omili” mavzusidagi Respublika seminar-treningi tashkil etildi.Oila va xotin-qizlar davlat qo`mitasi bilan hamkorlikda...
Soliq tizimida 10 ga yaqin xodim ishdan olindi, 10 nafarining maxsus unvoni pasaytirildi, yana 10dan ortig`i esa...

29.09.2022, 13:02

Joriy yilning 28 sentyabr kuni Davlat soliq qo`mitasi Raisi Sherzod Kudbiev rahbarligida QQS manfiy farq summalarini qoplab berish bo`yicha tadbirkorlik sub`ektlarining murojaatlarini ko`rib chiqilishiga bag`ishlangan...
Endi "taksist"lar o`zini o`zi band qilishi mumkin. DSQ lisenziya varaqasi qanday olinishini ma`lum qildi

07.09.2022, 11:25

2022 yil 1 sentyabrdan 2024 yil oxiriga qadar haydovchidan tashqari 4 tadan ortiq bo`lmagan o`rindiqlarga ega engil avtotransport vositalarida yo`lovchilarni tashuvchilar o`zini o`zi band qilishi...
Facebook, Google va Apple O`zbekistonga qancha soliq to`lagani ma`lum bo`ldi

15.10.2021, 01:22

Facebook, Google, Apple va boshqa bir qancha xorijiy kompaniyalar O`zbekistonga soliq to`ladi. Bu haqda Davlat soliq qo`mitasi rasmiy ma`lumot berdi. Unga ko`ra, O`zbekistonga Facebook - 7,6 milliard, Google -...