Avval xabar berganimizdek, bugun 9 avgust kuni soat 12:24 da Toshkent shahar Yakkasaroy tumani Muqimiy ko`chasida katta yong`in yuz berdi.
FVVning ma`lum qilishicha, yong`in shu ko`chada joylashgan yangi qurilayotgan 4 qavatli binoda sodir bo`lgan.
Shunga ko`ra, 4 ta yong`in-qutqaruv ekipaji soat 12:30 da voqea joyiga etib borib, yong`in soat 12:43 da qurshab olingan va soat 12:50 da bartaraf etilgan.
Yong`in natijasida binoning tomi ichki qoplapmasiga sintepon bilan ishlov berilgan qismining taxminan 900 kv.m. maydoni yonib zararlangan.
Yong`in oqibatida fuqarolarni tan jarohati olish va halok bo`lish xolatlari yo`q.
Hozirda yong`inning kelib chiqish sababi va keltirilgan moddiy zarar miqdori aniqlanmoqda.
