Bugun, 22 sentyabr kuni soat 04:24 da Farg`ona viloyati Qo`qon shahar “Marg`ilon darvozasi” MFY A.Navoiy ko`chasida joylashgan ishlab chiqarish korxonasida yong`in sodir bo`layotganligi to`g`risida viloyat FVBga xabar kelib tushdi, deya xabar bermoqda FVV matbuot xizmati.
Shunga ko`ra, 13 ta yong`in-qutqaruv ekipaji voqea joyiga soat 04:26 da etib borib, yong`in soat 06:20 da qurshab olingan va soat 07:20 da bartaraf etilgan.
Yong`in natijasida korxona binosining taxminan 300 kv.m maydonida tom qismi yonib zararlangan.
Hodisa oqibatida tan jarohati olgan va halok bo`lganlar yo`q.
Hozirda yong`inni kelib chiqish sababi va moddiy zarar miqdori aniqlanmoqda.
